Hədislər(oxuyun)

**ADMIN** Ş. Apr. 04, 2009 11:32 pm

HƏDİSİ ŞƏRİF

1. Qəlbində heç bir ayə olmayan kimsə xaraba bir ev kimidir.
2. Namazda insanların ən çox savab alanı, məscidə ən uzaq yerdən gələnlərdir.
3. Ürəyində peşmançılıq hissi olmadığı halda təkcə dil ilə edilən tövbə yalançıların tövbəsidir.
4. İki dua rədd olunmaz, yaxud nadir halda rədd olunar : Biri əzan oxunarkən edilən dua, digəri də müharibə şiddətləndiyi vaxt ,hərb vaxtı edilən duadır.
5. Allaha çox zikr edən insanı Allah Təala sevər.
6. Namaz nurdur ,sədəqə bürhandır (sənin lehinə dəlil),səbir aydınlıqdır,Quran sənin lehinə və ya əleyhinə hüccət (dəlil) olacaqdır.
7. Həsəddən qorunun ; yanan od odunu necə yandırıb kül edirsə, həsəd də yaxşılıqları eləcə məhv edir.
8. Cəhənnəmə girməyə ən çox səbəb olan insanın ağzı və övrət yeridir.
9. Bir adam Allah Təalanın onu qiyamət gününün sıxıntılarından qurtarmasını istəyirsə borcunu verə bilməyən şəxsə möhlət versin və yaxud borcunu bağışlasın.
10. Allah çox sevdiyi bir bəndənin xeyrini istərsə , günahını , cəzasını bu dünyada verər.
11. Yalan söyləmək pisliyə, pislik də (birbaşa) cəhənnəmə aparar. Adam yalan söyləməyə davam edərsə Allah qatında (yanında) yalançı olaraq yazılar.
12. Qəlbində zərrə qədər kibir (təkəbbür) olan kimsə cənnətə girə bilməz.
13. Allah Təala sizin cüssənizə və xarici görünüşünüzə baxmaz, Ürəyinizə və davranışlarınıza baxar.
14. Dünya, axirətin əkin tarlasıdır. Xeyir əkən sevinc biçər . Şər əkən isə peşmançılıq toplar.
15. Allah Təala ,yemək və ya bir şey içdikdən sonra Ona Həmd edən qullarından razı olar.
16. Yarım xurama ilə də olsa (yaxşılıq edərək) , cəhənnəmdən qorunmağa çalışın.
17. Cənnətə girən elə bir kəs yoxdur ki , bütün dünyaya malik olsa belə təkrar dünyaya dönməyi arzu etsin.
18. Allah yolunda ayağı toza batan kimsəyə cəhənnəm odu toxunmaz.
19. İpək paltar geymək və qızıl bər – bəzəklərdən istifadə etmək ümumiyyətlə kişilərə haram , qadınlarına halaldır.
20. Yatmaq üçün yatağa uzanarkən əvvəlcə Fatihə , sonra İxlas-şərif oxusan, ölümdən başqa hər şeydən əmin olarsan.

ALLAH böyükdür...O, hərşeyə qadir ALLAHdır...ALLAHa sığının o sizi pis əməllərdən qoruyar..!!!