Qeybət(diqqətli olun)

1.Peyğəmbəri-Əkrəm(s): Qeybətin nə olduğunu bilirsinizmi?Dediler: Allah və Onun Rəsulu daha yaxşı bilərlər!Buyurdu: Din qardaşını onun xoşu gəlmədiyi şeylərlə yad etmək.Soruşdular: Əgər dediklərimiz din qardaşımızın barəsində düz olsa necə?Buyurdu: Əgər dedikləriniz onda olsa qeybətdir,əgər olmazsa,ona böhtan atmış olursunuz.

2. Peyğəmbəri-Əkrəm(s): Hər kəs bir mömin kişinin,yaxud mömin qadının qeybətini edərsə,sahibi onu bağışlamayıncaya qədər Allah-taala onun namazını,orucunu qırx gecə və gündüz ərzində qəbul etməz.

3.İmam Sadiq(ə): Qeybət budur ki,din qardaşın barəsində Allah-taalanın örtmüş olduğu şeyləri deyəsən,amma onun barəsində aşkar olan şeylərə gəldikdə isə,(hiddətli və tələskən olduğu kimi şeylər) qeybət deyildir.

4.İmam Sadiq(ə): Hər zaman fasiq və günahkar şəxs aşkarda günah edərsə,onun nə hörməti vardır,nə də qeybəti haramdır.

5.İmam Əli(ə): Qeybəti dinləyən şəxs qeybət edən şəxs kimidir.

6. Peyğəmbəri-Əkrəm(s): Qeybət etməyin kəffarəsi qeybətini etdiyin şəxsin barəsində istiğfar etməkdir.

7. Peyğəmbəri-Əkrəm(s): Əgər bir neçə nəfərin arasında bir şəxsin qeybəti olunsa,qeybəti olunan şəxsə kömək et və o cəmiyyəti qeybət etməkdən çəkindir və onların arasından qalxıb get.

8. Peyğəmbəri-Əkrəm(s): Qeybət etmək müsəlman şəxsin dinini məhv etməkdə onun daxilindəki xora xəstəliyindən də şiddətlidir.

9.İmam Baqir(ə): Hər kəsin yanında mömin qardaşının qeybəti edilərsə və o şəxs qeybəti olunan şəxsin köməyinə qalxarsa,Allah dünya və axirətdə ona kömək edər.Hər kəsin hüzurunda mömin qardaşının qeybəti olunarsa,o da qadir və imkanlı olduğu halda ona kömək etməzsə və onu müdafiə etməzsə,Allah-taala onu dünya və axirətdə zəlil edər.

10. Peyğəmbəri-Əkrəm(s): Qiyamət günündə bir nəfəri gətirib Allahın hüzurunda saxlayarlar,əməl dəftərini ona verərlər,amma o öz yaxşı əməllərini orada görməz və deyər: Pərvərdigara,bu mənim əməl dəftərimdeyildir?!Həqiqətən,mən onda itaətdən bir şey görmürəm.Ona deyilər: Sənin əməllərin camaatın qeybətini etdiyinə görə aradan getmişdir.Sonra başqa birini gətirərlər və onun əməl dəftərini ona verərlər və o,orada çoxlu yaxşı əməllər,itaət və ibadət görər və deyər: İlahi,bu mənim əməl dəftərim deyildir: çünki mən bu itaətləri yerinə yetirməmişdim.Ona deyilər: Filankəs sənin qeybətini etdiyi üçün onun gözəl əməlləri sənə verilmişdir.