İyirmi saniye

İyirmi saniyə

Şeytan xidmətçi qiyafəsinə girir və iyirmi il Cüneyd Bağdadi Həzrətlərinə xidmət edir. Ancaq bu illər ərzində bir anlıqda olsa, onun qəlbinə vəsvəsə sala bilmir. Şeytan bu uğursuzluğuna dözə bilmir və ondan soruşur: - Ey Ustad, siz mənim kim olduğumu bilirsiniz? - Bəli, sən lənətlənmiş iblissən. Yanıma gəldiyin ilk gündən bunu bilirəm. Bu dəfə şeytan fərqli bir yola baş vurur: - Ey Ustad, sizin qədər dəyərli, mübarək və bu dərəcəyə yüksəlmiş ikinci insan tanımıram. İyirmi ildir sizə heç bir istədiyimi etdirə bilmədim. Bu sözləri eşidən Cüneyd Bağdadi əsəbiləşir: - Rədd ol, məlun. İndi də çalışırsan ki, mən eqoizm xəstəliyinə tutulum? Məni bu yolla məhv etmək istəyirsən? İyirmi ildə nail ola bilmədiyinə iyirmi saniyədə nail olmaq istəyirsən?

Fikirlərinizi bildirməyi unutmayın !!!